無綫黃金時段劇集呢期「靚女雲集」！《烈火如歌》有迪麗熱巴，《宮心計2之深宮計》更有劉心悠主演，兩位靚女，一位係80後嘅美女代表，另一位係近年人氣急升嘅90後演員，究竟邊一個最靚？即係睇相比拼一吓先！
古裝一樣靚
劉心悠喺《深宮計》入面著起唐朝服飾、配上髮髻，完全散發出古代女性嘅古典美；至於五官立體嘅迪麗熱巴，唔同朝代嘅服飾都一樣Carry到！正所謂著時裝又得、變返古裝亦得，得咗！
眼鏡Look
先睇眼鏡Look！眼鏡要帶得靚，先要面型靚，當然兩位靚女都符合呢個條件啦！劉心悠戴咗眼鏡之後，好有鄰家女孩Feel；至於面型較長嘅迪麗熱巴，戴咗眼鏡之後就顯得冷豔中帶點斯文。
鬥甜美可愛
雖然劉心悠已經37歲，但可愛指數絕對唔會少過90後嘅迪麗熱巴！睇睇劉心悠嘅生日相，輕輕加個貓貓貼圖已經Perfect了！而戴上bear bear帽嘅迪麗熱巴亦多咗一份可愛！
素顏邊個靚？
素顏嚟講，25歲嘅迪麗熱巴今次佔上風！雖然成日拍劇冇咩時間休息，但係除咗黑眼圈大啲之外，迪麗熱巴喺素顏方面，的確係比劉心悠優勝！素顏後，劉心悠嘅面色較黃，五官都唔夠維吾爾族嘅迪麗熱巴深邃。
這篇文章 【唔洗問魔鏡】劉心悠、迪麗熱巴邊個最靚？請睇相！ 最早出現於 流動新聞。
