【都係31歲】李美慧仲細過曾文豪二女 曾昭亮︰唔嗌媽咪

    186

    圖︰李美慧(左)與曾文豪二女(右一)都係31歲。(IG圖片)

    前港姐李美慧早前自爆已入紙結婚,6月將「閃嫁」拍咗拖半年幾、大佢25年嘅富商曾文豪。曾文豪二女曾昭亮(Alison)昨日(17日)出席公開場合,亦有回應Daddy即將再婚一事。

    當Alison談及「準繼母」李美慧嘅時候,就話︰「好開心 for Daddy、媽咪,呀,唔係媽咪,係好開心for Daddy。」記者追問係咪叫李美慧做Auntie?曾昭亮就話︰「都唔係 Auntie,佢同我一樣大。」而事實上,一樣都係31歲嘅李美慧,年紀仲細過Alison少少!

    爸爸要再婚 事前冇問佢意見

    對於Daddy同李美慧「閃婚」,Alison直言有少少突然。當問及爸爸有冇就結婚一事問佢意見?Alison笑笑口、好肯定咁話︰「冇!」但Alison都為爸爸感到開心,「好開心!Everyone deserves Love! (每個人都值得擁有愛!)」

    31歲嘅Alison,早喺2015年已經結婚,同外藉老公育有一對子女。咁佢又贊唔贊成曾文豪同李美慧生B呢?Alison話:「會!因為自己有自己嘅family,冇所謂啦,總之自己開心就得喇!希望爸爸開心啦,都冇所謂,佢都好young啫!」

    圖︰早前曾文豪同李美慧去咗不丹影結婚相,二女昭亮(左一)、大二昭怡(右一)都有同行,仲同Daddy合照。(IG圖片)
    圖︰曾家三姊妹與Alison囝囡合照。(IG圖片)
    圖︰曾文豪的女兒都已成家立室。(IG圖片)

    這篇文章 【都係31歲】李美慧仲細過曾文豪二女 曾昭亮︰唔嗌媽咪 最早出現於 流動新聞

    分享給好友:

    评论文章

    Please enter your comment!
    Please enter your name here