【哈爾濱開工】袋10幾個暖包跟身 佘詩曼拍戲畀俄羅斯語考起

128

最近佘詩曼前往哈爾濱拍攝新電影,雖然香港近幾日都凍冰冰,不過對比起每日氣溫徘徊在零下十一度至零下廿一度的哈爾濱,簡直小巫見大巫,幸好阿佘今次做足準備,成個行李箱都放滿暖包,每日都要有十多個暖包跟身。

睇見都覺得凍

談到首次與影帝梁家輝合作,阿佘坦言既興奮又緊張:「第一次同家輝哥合作好興奮,但第一日開工就即刻要同家輝哥拍感情戲,搞到我都有啲緊張。」除梁家輝外,今次電影更由日本著名電影《死亡筆記》的導演金子修介執導,阿佘笑指導演友善,儘使言語不通,但有翻譯在場,同時導演也積極與他們溝通打破語言障礙。

佘詩曼話拍戲第一日已經要同梁家輝拍感情戲
今次電影由日本著名電影《死亡筆記》的導演金子修介執導

畀俄羅斯語考起

今次阿佘要挑戰冰極的天氣外,在新片還要克服用俄羅斯語講對白,就算阿佘精通英語和德語,但也直言被俄羅斯語考起:「我今次第一次接觸俄羅斯語對白,雖然唔係全部都係,但都覺得好新鮮,原來俄羅斯文真係好難學,唔怪得係世界最難嘅語言之一。」

佘詩曼話畀俄羅斯文考起
分享給好友: